لاهور۔4فروری(اے پی پی) د پاكستان علماﺀ كونسل چيئرمېن او د وزيراعظم د مذهبي همغږۍ خصوصي مرستيال حافظ محمد طاهر محمود اشرفي وئيلي دي د ګرد هېواد په جوماتونو كښې د پاك پوځ او د امنيتي ادارو د شهيدانو بخښنې او د ژوبل شوو زر روغتيا له دعا وكړې شوه۔ په نوشكي او پنجګور كښې د ترهګرو بريدونو سخته غندنه وكړې شوه٬ د ګرد هېواد علماﺀ كرام او مشائخ دا ګڼي چې زمونږ دښمن په مونږ يو داسې جنګ مسلط كول غواړي چې مقصد يۍ د هېواد امن او استحكام له مينځه وړل دي۔ د دې خيالاتو څرګندونه هغه په جامع مسجد بحریه ټاؤن لاهور كښې يو خبري كنفرنس ته خطاب كښې وكړه۔ هغه ووئيل پاكستان د كورونا په څير حالاتو نه وتلو سره په معاشي توګه مستحكم كېدو پلو مخ په وړاندې روان دے٬ مونږ ترهګرۍ او انتها خوښۍ ته ماتې وركړې٬ په دې جنګ كښې زمونږ د 80 زرو نه زيات ځوانان شهيدان شوي۔ د پاكستاني قام او پاك پوځ د قربانيو په نتيجه كښې هېواد كښې استحكام او امن راغلے۔ هغه ووئيل تاسو وليدل چې كله په اګست كښې په افغانستان كښی يو بدلون رامخې ته شو نو هر چا دا سوچ كولو چې هند په افغانستان كښې كومه لوبه كوله اوس به هغه بنده شي او مونږ دا هيله لرله چې افغان عبوري حكومت به په دې لړ كښې بشپړ ګامونه پورته كړي۔ هغه ووئيل د افغانستان مشران دا خبره زياته كوي چې مونږ به خپله خاوره د چا په ضد كارېدو ته نه وركوؤ٬ دا څه چې كېږي د دې مقصد د پاكستان امن له مينځه وړولو سره سره افغانستان سره د پاكستان اړيكې خرابول دي۔ د مقبوضه كشمير په اړه خپل خطاب كښې هغه ووئيل د جمعې په خطبه كښې په ګرد هېواد كښې قراردادونه منظور كړے شول په كومو كښې چې كشميري اولس ته دا پېغام وركړے شو چې مونږ ټول تاسو سره ولاړ يؤ۔ هغه ووئيل ټولې نړۍ له به د كشمير او فلسطين مسئلې په اړه غږ پورته كول وي۔ هغه ووئيل زه د ټولو علماﺀ كرامو او مشائخو مننه كوم چې هغوي په هېواد كښې د ترهګرۍ اوسنو پېښو سخته غندنه كړې۔ هغه ووئيل مونږ د خپل پوځ سره ولاړ يؤ او مونږ په خپل پوځ وياړ لرو ۔ هغه ووئيل نړۍ ته دا ښودل غواړؤ چې څنګه مونږ په تېر وختونو كښی پوځ سره په ګډه ترهګرۍ او انتها خوښۍ ته ماتې وركړې دغسې به سباؤن كښې هم دا سازشونه په ګډه ناكامه كوؤ۔
مقبوضه كشمير او فلسطين د اسلامي نړۍ مسئلې دي٬ ټولې نړۍ له به په دې حقله غږ پورته كول وي٬ نن 5مه فروري د هېواد پشمول په ګرده نړۍ كښې د كشمير يووالي ورځې په توګه لمانځلې شي
مضمون کا ماخذ : راکی
متعلقہ مضامین
