اسلام آباد 29 مارچ (اے پي پي)د پاكستان تحريك انصاف چيئرمېن او وزيراعظم عمران خان د پاكستان تحريك انصاف د قامي اسمبلۍ غړي د بې باورۍ په تحريك كښې د رائے شمېرې په عمل كښې د برخې اخستو او په دې ورځ د قامي اسمبلۍ په غونډه كښې د ګډون څخه منع كړي۔د نهې په ورځ د پاكستان تحريك انصاف مېډيا سيل لخوا جاري شوي بيان له مخې وزيراعظم عمران خان د يو خط د لارې د خپل ګوند د قامي اسمبلۍ غړو ته هدايت كړے چې هغوي د اپوزېشن لخوا وړاندې كړے د عدم اعتماد په تحريك د رائے وركولو په عمل كښې برخه وانخلي۔وزيراعظم عمران خان څوك چې په قامي اسمبلۍ كښې پارليماني ليډر هم دے٬د پي ټي آئي د قامي اسمبلۍ غړو ته يو خط ليكلے چې پكښې هغوي ته وئيلي شوي چې په دې هدايات په سختۍ سره عمل وكړي ځكه چې د دې هدايات خلاف ورزي د آرټيكل 63(اے)له مخې به انحراف ګڼلے شي۔د خط له مخې د قامي اسمبلۍ 2007 قواعد او ضوابط اصول 37 (4)له مخې د مارچ په 28مه نېټه په دې لړ كښې د قرارداد وړاندې كولو اجازه وركړې شوې وه۔په ياد شوي قرارداد به په 7 ورځو كښې دننه رائے شمېره كولې شي۔په قامي اسمبلۍ كښې د پاكستان تحريك انصاف د پارليماني پارټۍ ټول غړي په كومه نېټه چې ياد شوے قرارداد باندې د رائے شمېرې لپاره په ايجنډا شامل شي په هغه ورځ د رائے شمېرې په عمل كښې به برخه نه اخلې او نه به د قامي اسمبلۍ په غونډه كښې ګډون وكړے شي۔وزيراعظم غړو ته هدايت كړے چې د عدم اعتماد د تحريك په قرارداد د ووټنګ په وخت به او په هغه ورځ د پي ټي آئي كوم هم غړے به په ايوان كښې موجود نه وي۔په تحريك بحث كښې به د پي ټي آئي لخوا ټاكلي غړي برخه اخلي۔په خط كښې د پاكستان تحريك انصاف د قامي اسمبلۍ ټولو غړو ته هدايت شوے چې هغوي د 1973 آئين آرټيكل 63 (اے)له مخې په دې هدايات عمل وكړي۔د ګوند كوم هم غړے به د بې باورۍ د ووټ په اړه د كوم هم ګوند د پارليماني پارټۍ يا ګروپ ملاتړ نه كوي او نه به په دې اړه د وركړے شوي هدايت خلاف ورزي كوي۔
عمران خان د پاكستان تحريك انصاف د قامي اسمبلۍ غړي د بې باورۍ په تحريك كښې د رائے شمېرې په عمل كښې د برخې اخستو او په دې ورځ د قامي اسمبلۍ په غونډه كښې د ګډون څخه منع كړل
مضمون کا ماخذ : ٹمپل ٹمبل
متعلقہ مضامین
