اسلام آباد 29 جون (اے پي پي) قامي اسمبلۍ د راتلونكي مالي كال 23-2022 د 9502 اربه روپو حجم د وفاقي بجټ منظوري وركړې٬ د سركاري ملازمانو په تنخاګانو كښې 15 فيصده اېډهاك ريليف او پخواني اېډهاك ريليفس په بنيادي تنخا كښې ضم كړې شوي ، د ټېکس محصولات هدف 7470 اربه روپۍ اېښودے شوے، په زرعي مشينرۍ کسټم ډيوټي او په بېلا بېلو غلو او تخمونو سېلز ټېكس ختم كړے شوے ، اېن اېف سي اېوارډ له مخې صوبو ته به 41 سو اربه روپۍ ترلاسه كېږي٬ بدلون كولو نه پس په به د انکم ټېکس د لږې نه لږه شرح 6 لكه روپۍ بحال كړې شوې٬ د سود شرح د 11.7 فيصده څخه په راتلونكي مالي كښې 11.5 فيصد، د شرح نمو هدف 5 فيصد مقرر شوې،د 1300 سي سي نه په بره ګاډو كېپټل وېليو ټېكس لګولے شوے ، نان فائلر لپاره د نان ټېكس شرح سل فيصده نه په زياتولو 200 فيصده كړې شوې، د 200 يونټس نه د لږې برېښنا مصرف كوٶنكو ته به سولر پېنل اخستو لپاره بېنكونو څخه په آسانو قسطونو پور وركولې شي، د سولر پينل درآمد او په ځائي سپلائئ سېلز ټېكس ختم كړے شوے ۔ د شورو په ورځ قامي اسمبلۍ كښې وفاقي وزير مفتاح اسماعيل تحريك وړاندې كړٶ چې د جولائي وړومبۍ نيټې 2022 څخه پېل كېدونكې كال لپاره د وفاقي حكومت د مالي كال تجويز كړې روبه عمل او ځينې بدلونونو سره په مالي بل كال 2022 دې غور وكړے شي د كوم چې اپوزيشن مخالفت وكړو۔ د اپوزيشن غړو مولانا عبدالاکبر چترالي، ډاکټر فهميده مرزا، وجيهه قمر، ډاکټر رميش کمار او جويريه ظفر آهير په بحث كښې برخه اخستو كښې ووئيل مونږ دا بل مسترد كوٶ، په دې كښې په لويه شمېره بدلونونه شوي او دوهمې وزېرې عائشه غوث پاشا ووئيل مالي بل كښې شوي بدلونونه آئي اېم اېف سره د حكومت د لوظنامې له مخې دي٬ كه دا بدلونونه ونه شي نو د پاكستان حكومت عزت به متاثره شي٬ په بجټ كښې لږ آمدن لرونكو طبقو ته په ټېكسونو كښې ريليف وركړے شوې۔ د وزيراعظم وژن له مخې خپلواكي او خودکفيل قام جوړېدو لپاره اقدامات به جاري وي۔ د خزانې وزير مفتاح اسماعيل ووئيل حکومت في الحال په پټروليم د ليوي عائد كولو هېڅ اراده نه لري٬ په مالي بل كښې د بدلون نه پس حكومت د يوې روپۍ نه تر 50 روپو د ليټر په سر په پټروليم ليوي عائد كولې شي۔ د دې نه پس سپيكر دا بدلونونه ايوان ته وړاندې كړه٬ د اپوزيشن لخوا وړاندې كړې شوې بدلونه په كثرت سره مسترد كړے شول او مفتاح اسماعيل او حکومتي غړٶ لخوا وړاندې كړي ځينې بدلونونه منظور كړے شول٬ په دې كښې په پټروليم مصنوعات تر 50 روپۍ د ليوي عائد كولو٬ لويو صنعتونو او په کاروباري ادارو د سپر ټيکس د نفاذ بدلون هم شامل دے، په 13 صنعتونو د سپر ټيکس اطلاق سره به د 465 اربه روپو ريونيو ترلاسه كېدو هدف مقرر كړے شوے ۔ د دې نه پس مالي بل كال 2022 منظورۍ لپاره ايوان ته وړاندې كړے شو كوم چې په اكثريت سره منظور كړے شو۔
قامي اسمبلۍ كښې د مالي كال 23-2022 د 9502 اربه روپو حجم د وفاقي بجټ منظوري وركړه
مضمون کا ماخذ : پاکستان لاٹری ٹکٹ
متعلقہ مضامین
.jpg)
.jpg)
