لاہور۔6اکتوبر(اے پی پی) وزیراعلی پنجاب مریم نوازنال ارجنٹائن دے سفیر سیباسٹین سیوس ملاقات کیتی ۔ایں موقع تے لائیوسٹاک، زراعت، انفارمیشن ٹی??نالوجی تے ٻئے صنعتی ش??بیں اچ تعاون ودھاوݨ تے ڳالھ مہاڑ تھئی تے اوکاڑہ اچ سائلوز پائلٹ پراجیکٹ لانچ کرݨ تے اتفاق کیتا ڳئے ۔ارجنٹائن دی ڈپٹی ہیڈ آف مشن ایریکا لوسیرو ،سینیٹر پرویزرشید تے چیف سیکرٹری زاہد اختر زمان وی ایں موقع تے موجود ہن۔ملاقات ا?? ڳالھ مہاڑ کریندے وزیراعلی مریم نوازآکھیے جو پاکستان اتے ارجنٹائن وچال ݙوطرفہ تعلقات بہتری آلے پاسے ٹردے پئن۔ ݙوہیں ملکاں وچال بزنس ٹو بزنس انٹر ایکشن ودھاوݨ سانڳے اقدامات کیتے ویسن ، انھاں آکھیے پاکستان ارجنٹائن دی میٹ پروسیسنگ ٹی??نالوجی توں فیدہ چاوݨ چاہندے ، لائیوسٹاک، کھیݙاں دا سامان اتے سرجیکل آلات دے شعبے اچ ارجنٹائن نال تجارت مزید ودھاوݨ دی لوڑھ اے ۔مریم نواز آکھیے حکومت غیر ملکی سرمایہ کاراں کوں پاکستان اچ سیکیورٹی سودھے ساریاں سہولتاں ݙیوݨ یقینی بݨیندی پئی اے تے پنجاب اچ مختلف شعبیں اچ سرمایہ کاری دے ٻہوں سارے موقعیں توں فیدہ چاتا ونڄ سڳدے۔ ارجنٹائن سفیر آکھیے زراعت، فارماسیوٹیکل، انفارمیشن ٹی??نالوجی اتے صنعتی ش??بیں اچ تعاون ودھایا ویسی جݙاں جو لائیو سٹاک تے بائیو ٹی??نالوجی دے شعبے اچ پنجاب نال کم کرݨ چاہندوں ، تجارت ودھاوݨ سانڳے گورنمنٹ ٹو گورنمنٹ اتے بزنس ٹو بزنس کوآرڈینیشن ب??تر بݨاوݨ سانڳے کردار نبھیسوں ، فوڈ سکیورٹی دے شعبے اچ وی پنجاب کوں تکنیکی معاونت ݙیسوں
