اسلام آباد 27 جنوري(اے پي پي) د بهرنيو چارو وزير مخدوم شاه محمود قرېشي وئيلي دي پاکستان د امن راوستو ، شخړو نه بچ كېدو او د جامع پرمختګ هدفونه سر كولو لپاره کثيرالقومي مرستې لپاره عزم لري٬ د تېرو شپږو لسيزو نه په زياته موده كښې امن لپاره زمونږ ډلو د نړۍ په څلورو براعظمو كښې د ملګرو ملتونو د 46 نه زياتو مشنز كښې اودي بېرغ هسك كړے٬ پاكستان امن لپاره د ملګرو ملتونو د هلو ځلو په تاريخ وياړیږ ي۔ وفاقي وزير دا خبرې د شورو په ورځ د ملګرو ملتونو د عمومي سېكتر د امن فنډ جوړولو لپاره د اعلٰې كچ ري-پلينشمنټ کنفرنس ته خپله وېنا كښې وكړې۔ خارجه وزير په امن فنډ كښې د 25 زره ډالرو عطيه اعلان سره ووئيل دا عهد د ملګرو ملتونو په نړۍ كښې د امن هلو ځلو لپاره زمونږ د سياسي٬ افرادي او مالي مرستې جاري ساتلو عزم څرګندوي۔ خارجه وزير ووئيل زياتره پرمختګ كوٶنكو هېوادونو غوندې پاكستان د كرونا وباء څخه زيات ځپلے شوے چې ورسره زمونږ د صحت عامه په نظام فشار راغلے ، زمونږ معيشت ځپلے شوے او مالي ګنجائش كښې كمے راغلے۔ خارجه وزير ووئيل د پوځ او پوليس زياتې ډلې وركونكې هېواد په توګه پاكستان امن لپاره د ملګرو ملتونو د هلو ځلو په تاريخ فخر كوي٬ ده ووئيل د تېرو شپږو لسيزو نه په زياته موده كښې امن لپاره زمونږ ډلو د نړۍ په څلورو براعظمو كښې د ملګرو ملتونو د 46 نه زياتو مشنز كښې اودي بېرغ هسك كړے۔ په دې موقع وفاقي وزير شاه محمود قرېسي د ملګرو ملتونو د امن فنډ د جوړولو لائحې 24-2020 هركلے هم وكړو چې پكښې د شخړو نه د بچ كېدو ضروري اړخونو پلو پام ګرځولے شوے ۔ خارجه وزير هيله څرګنده كړه چې د دې لائحې په نتيجه كښې به د شخړو د بنيادي اسبابو او عواملو حل كولو لپاره د اقداماتو لاره هواره شي٬ دا شخړې ناانصافې او عدم مساوات څخه راپېدا كېږي چي په كښې د بنيادي بشري حقونو پامالي په خاص توګه غېر ملكي قبضې ٬ نوآبادياتي جبر او د نورو قامونو تسلط سره مخ خلقو ته د استصواب رائے حق نه وركول هم شامل دي۔ ده ووېيل د شخړو ښكار هېوادونو كښې منصوبو لپاره نېغ په نېغه مالي مرسته روانه ساتل او دا وسائل د نورو ذريعو څخه د سرمايې ترلاسه كولو لپاره د عمل وړ منصوبو جوړولو لپاره هم استعمالېدې شي چې پكښې کثيرالقومي پرمختيائي بنېكونه ، پرائيويټ ايکويټي او ساورن وېلتھ فنډز شامل دي۔ ده ووېيل پرمختګ كوٶنكو هېوادونو كښې لويه مسئله او خنډان په تجارتي بنيادونو د عمل وړ منصوبې جوړولو له د اهليت فقدان دے چې ورله نړيواله سرمايه كاري ممكن نه وي۔ خارجه وزير ووئيل د امن بنيادي اصول “نېشنل اونرشپ” په ځاے ساتل پكار دي او د دې اصولو له مخې د امن فنډ د سرمايه كارۍ د ټولو پرېكړو تعين پكار دے ځكه چې په قامونو امن د بهر نه نشي مسلط كېدے۔
پاکستان د امن راوستو، شخړو نه بچ كېدو او د جامع پرمختګ هدفونه سر كولو لپاره کثيرالقومي مرستې لپاره عزم لري٬ د تېرو شپږو لسيزو نه په زياته موده كښې امن لپاره زمونږ ډلو د نړۍ په څلورو براعظمو كښې د ملګرو ملتونو د 46 نه زياتو مشنز كښې اودي بېرغ هسك كړے
مضمون کا ماخذ : آن لائن لاٹری
متعلقہ مضامین
