پاکستان د نړیوالې ټولنې یو ذمه واره هېواد دے٬ د طالبانو د حکومت تسليمولو پرېكړه به يو اړخيزه نه بلكې سيمه ايزو او نړيوالو طاقتونو سره په ګډه كوؤ۔ د اطلاعاتو او خپرونو وفاقي وزير چوهدري فواد حسېن د وفاقي كابينې غونډې نه وروسته ميډيا ته بريفنګ

اسلام آباد۔17اګست(اے پی پی) د اطلاعاتو او خپرونو وفاقي وزير چوهدري فواد حسېن وئيلي دي پاکستان د نړیوالې ټولنې یو ذمه واره هېواد دے٬ د طالبانو د حکومت تسليمولو پرېكړه به يو اړخيزه نه بلكې سيمه ايزو او نړيوالو طاقتونو سره په ګډه كوؤ۔ د افغانستان په اړه زموږ دریځ مخکښې هم ښكاره ؤ ، اوس هم ښكاره دے ، دا مهال د افغانستان وضعیت د اطمينان وړ دے ، دا یوه ښه خبره ده چې تر اوسه په کابل کې د تاؤتریخوالي کومه پېښه نه ده رامخې ته شوې۔ تمه کیږي چې طالبان به په هیواد کښې د قانون حكمراني په ځائې كولو سره سره بنيادي بشري حقونو ته درناوې هم وركړي۔ پاکستان څو ځله اشرف غني ته مشوره ورکړې چې هغه یوازې حکومت نشي کولې۔ د پاکستان وزیراعظم عمران خان د باجوړ غونډې ته په وېنا كښې افغان حکومت ته وئیلې وو چې هغه دې د انتخاباتو لپاره د چمتووالي په ځائې بېلو ډلو سره خبره كولو سره يو متفقه حكومت جوړ كړي۔ د عاشوره په احترام كښې د پاكستان تحريك انصاف حكومت پرېكړه كړې چې د حكومت د درې كالو مودې بشپړ كېدو دستورې دې وځنډولې شي۔ د كرپشن فري ٬ مضبوط او مستحكم پاكستان او د مدينې رياست ماډل په لوظ ولاړ يؤ۔ وفاقي كابينې هېواد كښې د لوبو په ناوړه صورتحال اندېښنه ښكاره كولو سره د بېن الصوبائي رابطو وزارت ته د نوې سپورټس پالېسۍ جوړولو هدايت كړے۔ وزیراعظم په اتم ٬ نهم او لسم جماعتونو كښې د سيرت النبي (ص) تعليم په لازمي كولو زور راوړے دے۔ د پارليماني چارو صلاحكار د اي وي اېم په اړه كابينې ته بريفنګ وركړو۔ د لېفټېننټ جنرل (ر) مزمل حسېن د واپډا يو وارې بيا چيئرمېن ټاكل كېدو منظوري وركړې شوه۔ د نهې په ورځ د وفاقي کابینې غونډې نه وروسته ميډيا سره خبرو كښې چوهدري فواد حسین ووئیل چې وزیراعظم د افغانستان په معامله کابینه په اعتماد کښې واخېسته او د نېشنل سېكورټي كونسل پرېكړو څخه ئې هم خبر كړه۔ هغه ووئیل د افغانستان په اړه زموږ دریځ مخکښې هم واضح ؤ او اوس هم واضح دے. د طالبانو د حکومت تسليمولو په معامله كښې به د منطقې نورو هېوادونو سره په ګډه پرېكړه كوؤ۔ پاكستان د نړيوالې ټولنې يو ذمه وار هېواد دے ٬ مونږ به يو اړخيز نه بلكې سيمه ايزو او نړيوالو طاقتونو سره په ګډه پرېكړه كوؤ۔ هغه ووئيل وزيراعظم عمران خان دوه ورځې وړادې د تركيه صدر طيب اردوان سره بشپړه خبرې كړې دي۔ تېره ورځ د امريكا خارجه وزير د پاكستان خپل همڅنګ شاه محمود قرېشي سره تفصيلي خبرې وكړې۔ مونږ په لړ كښې د افغانستان دننه نورو ډولو سره رابطه كښې يؤ۔ هغه ووئيل دا مهال د افغانستان وضعیت د اطمينان وړ دے ، دا یوه ښه خبره ده چې تر اوسه په کابل کښې د تاؤتریخوالي کومه پېښه نه ده رامخې ته شوې۔ د اولس زيات زيان نه دے شوے۔ مونږ هيله لرؤ چې د قانوني سرلوړي او د بنيادي بشري حقونو درناوې به باوري كوؤ۔ هغه ووئيل تېره ورځ د قومي سلامتيا كونسل غونډه كښې هم مونږ په دې خبره زور راوړے ؤ چې كابل كښې نوې حكومت بايد د نړيوالو بشري حقونو احترام وكړي۔ هغه ووئيل پاکستان څو ځله اشرف غني ته مشوره ورکړې چې هغه یوازې حکومت نشي کولې۔ د پاکستان وزیراعظم عمران خان د باجوړ غونډې ته په وېنا كښې افغان حکومت ته وئیلې وو چې هغه دې د انتخاباتو لپاره د چمتووالي په ځائې بېلو ډلو سره خبره كولو سره يو متفقه حكومت جوړ كړي۔ هغه ووئيل د عاشوره په احترام كښې د پاكستان تحريك انصاف حكومت پرېكړه كړې چې د حكومت د درې كالو مودې بشپړ كېدو دستورې دې وځنډولې شي۔ هغه ووئيل وزيراعظم او د كابينې غړو په درې كلونو كښې د خپل سوګند خيال ساتلو سره قام سره د كړې لوظونو پاللو له ګامونه پورته كړل په كومو چې وزيراعظم كابينې ته مباركي وركړه۔ د دې ګامونو تسلسل به راروانو كالونو كښې هم روان ساتلې شي۔ وفاقي وزير ووئيل وزيراعظم د زده كړو وفاقي وزير شفقت محمود او د هغه ډلې ته د قومي نصاب په اجراﺀ كولو مباركي وركړه۔ هغه ووئيل وړاندې به مونږ كورونو كښې د ناظرې تعليم وركولو اوس به سكولونو كښې د دې تعليم وركولې شي۔ وزیراعظم په دې خبره زور راوړو چې اتم ٬ نهم او لسم جماعتونو كښې دې سيرت النبي (ص) ضرور وښودلې شي۔ هغه ووئيل غونډه كښې د پارليماني چارو صلاحكار ډاكټر بابر اعوان د الېكټرانك ووټنګ مشينز په اړه بشپړه بريفنګ وركړو۔ د سائنس او ټېكنالوجي وزارت الېكشن كمېشن د خپل موقف نه خبرولو سره د الېكټرانك ووټنګ مشين يوه ډيمو هم وړاندې كړې ده۔ وفاقي وزير ووئيل د كابينې د هداياتو په رڼا كښې د داخله سېكتر لخوا د مهمو سركاري شخصياتو سېكورټي او پروټوكول په اړه بشپړه بريفنګ وركړے شو۔ دا مهال په امنيت د اسلام آباد پوليس ټوله كلنه خرچه 954.6 ملینه روپۍ ٬ د صدر، وزیراعظم، وزيرانو ، صلاحكارانو او مرستيالانو 454.3 ملینه ٬ د عدليې 304.5 ملینه ، د پنجاب پولیس 2509.7 ملینه ، د وزیراعظم، ګورنر او اعلی وزير 427 ملینه ، د پخوانو اعلی وزيرانو او بېوروكرېټس 105.87 ملینه ٬ لاهور كښې د عدليه 1143.17 ملینه روپۍ ده۔ نور كلن خرڅونه 833.616 ملینه او مجموعي كلن خرڅونه 2509 ملینه روپۍ دي۔ دغسې خېبر پختونخوا كښې د وزيرانو خرچه د كال 222.18 ملینه ٬ د صلاحكارانو او مرستيالانو 24.36 ملینه ٬ د عدلیه 501.48 ملینه ، د حاضر سروس شخصیاتو 646.8 ملینه او د نورو 768.18 ملینه او مجموعي خرچه 2448 ملینه ده۔ د مجوزہ اقداماتو په نتيجه كښې د اسلام آباد پوليس د كال خرچه 199.14 ملینه ٬ د پنجاب 356.88 ملینه ٬ د خېبر پختونخوا 998.34 ملینه ٬ د اېف سی 80.36 ملینه روپۍ او د كال ټول بچت 1634 ملینه روپۍ دے۔ هغه ووئيل وزيراعظم هاؤس خپل خرڅونه د نيم نه هم كم كړي دي۔ دغسې د ايوان صدر په خرڅونو كښې هم كمې شوې دې۔ د قامي اسمبلۍ سپيكر يو ارب 57 کروړه روپۍ قامي خزانه كښې جمع كړې دي۔ دا مهال د وزيراعظم هاؤس او سپيكر په خرڅونو كښې د اربونو روپو كمې شوې دې۔ چوهدري فواد حسېن ووئيل د كورونا حوالې سره د سركاري ملازمينو په وېكسينېشن تر دې دمه د شوي پېشرفت څخه وفاقي كابينه خبر كړې شوه۔ د تعليم وزير ووئيل چې د 86 فیصد سكولونو او كالجونو عملې وېكسينېشن شوے دے كومه چې يوه ښه خبره ده۔ هغه ووئيل هيله ده چې صوبائي حكومتونه او نورې ادارې به هم په دې لړ كښې فعاله ګامونه پورته كړي۔ هغه ووئيل د وزيراعظم د ويژن له مخې د موجوده حكومت لخوا پالېسي پرېكړه شوې ده چې كوم حكومتي املاك تر دې دمه نه دي كارولې شوې د هغې په فعاله ډول كارول دې باوري كړې شي۔ كابينې په دې لړ كشی د پاكستان پوسټ ليز پالېسۍ منظوري وركړه۔ وفاقي وزير ووئيل كابينې د محترمه شازیه عدنان د ډائرېکټر جنرل انټیلېکچوئل پراپرټی آرګنائزېشن تعینات كولو منظوري وركړه۔ وفاقي وزير ووئيل كابينې نادر ممتاز سپېشل سېکرېټری ته د كراچي پورټ ټرسټ چيئرمېن اضافي چارج وركولو منظوري هم وركړه۔ هغه ووئيل كابينې د نېشنل ډيزاسټر رسك منېجمنټ بورډ غړو تعينات كېدو هم منظوري وركړه۔ وفاقی وزیر ووئيل كابينې د اقتصادي رابطه كمېټۍ د 11 اګست 2021 غونډه كښې د شويو پرېكړو توثيق وكړو۔ د كابينې په غونډه كښې دغسې د نورو غونډو پرېكړو توثيق هم شوے۔ د پاكستان ميډيا ډوېلپمنټ اتھارټي حوالې سره د يوې پوښتنې په ځواب كښې وفاقي وزير ووئيل د سېنېټ كمېټۍ وړاندېز وركړے چې د ميډيا كومې ادارې تنخوا نه وركوي د هغوي اشتهارونه دې بند كړې شي۔ هغه ووئيل كه پاکستان میډیا ډوېلپمنټ اتھارټی كښې كوم څيز د ميډيا په ضد وي نو په دې اړه دې خبر راكړې شي۔ تر دې دمه كومې ادارې د يو وړاندېز په اړه هم نه دي وئيلې چې فلانې شق د ميډيا د آزادۍ په ضد دے٬ مناسب نه دے۔ هغه ووئيل میډیا ورکرز كمزورې طبقه ده هغه خپله سټېنډ اخستې نه شي۔ دوئي لپاره به مونږ له ودرېدل وي۔ مونږ به دا شق نه بدلوؤ۔ دې نه علاوه كه كوم بل شق وي نو مونږ بدلولو ته چمتو يؤ۔ د طالبانو د تسليمولو په اړه د يوې پوښتنې په ځواب كښې هغه ووئيل مونږ د ترکيه او چين په شمول نورو هېوادونو سره د مشاورت عمل كښې يؤ۔ مونږ به داسې پرېكړه كوؤ په كومه كښې چې سيمه ايزو او نړيوالو هېوادونو سره مشاورت شامل وي۔ هغه ووئيل تېره ورځ د قامي سلامتيا كونسل اعلاميه كښې د افغانستان نوي حكومت لپاره دا بنيادي شرط اېښودلې شوې ؤ چې د افغانستان خاوره به د پاكستان يا بل كوم هېواد په ضد ترهګرۍ لپاره كارولې نه شي۔ د طالبان حكومت وياند سهېل شاهين تېره ورځ خپله مركه كښې ووئيل هغه به په قطعي توګه د دې خبرې اجازه نه وركوي چې كوم عنصر د افغانستان زمكه د كوم بل هېواد په ضد وكاروي۔ د اي وي اېم په اړه د پوښتنې په ځواب كښې وفاقي وزير ووئيل په ای وی اېم قانون سازۍ ته حتمي شكل وركړے شوے دے۔ مونږ اپوزيشن اعتماد كښې اخستل غواړؤ۔ هغوي سره خبرې مخ په وړاندې روانې دي۔ زمونږ مسئله دا ده چې مونږ دې له وخت وركولې نه شؤ٬ مونږ راروانې ټاكنې په اي وي اېم كول غواړؤ لهذا په دې لړ كښې وزيراعظم ډاكټر بابر اعوان ته هدايت كړې چې هغه زر تر زره دې ته حتمي شكل وركړي