اسلام آباد۔7اکتوبر(اے پی پی)??لس??ین اتے غزہ تے اسرائیلی جارحیت دی مذمت اتے ??لس??ینی عوام نال یکجہتی کیتے ایوان صدر اچ کل جماعتی کانفرنس تھئی جیندے اچ شریک سیاسی جماعتاں دے قائدین غزہ اچ اسرائیل ولوں ??لس??ینیاں دی نسل کشی دی مذمت کریندے عالمی برادری کوں آکھیا ڳئے جو او اسرائیلی جارحیت رکواوݨ کیتے کردار ادا کرے، مسلہ ??لس??ین حل کیتے بغیر مشرق و??طیٰ خاص کر ڄڳ اچ امن نئیں تھی سڳدا۔ کل جماعتی کانفرنس ایوان صدر اس??ام اباد اچ صدر مملکت آصف علی زرداری اتے وزیراعظم محمد شہباز شریف دی کٹھی اڳواݨی اچ تھئی جیندے نال مسلم لیگ (ن) دے صدر و سابق و??یراعظم محمد نواز شریف ??لس??ین دے نہتے شہریاں تے مظالم کوں تاریخ دی بدت??ین مثال قرار ݙیندے آکھیے جو اسرائیلی جارحیت تے چپ کرݨ انسانیت دی ناکامی اے، وݙیاں وݙیاں عالمی قوتاں اسرائیل دی پشت پناہی کرینداں پن، انہاں کوں وی سوچݨا چاہیدے، ڄیکر اقوام متحدہ ??لس??ین اتے کشمیر بارے اپݨیاں قرارداداں تے عملدرآمد نئیں کرا سڳدا تاں ایندا کیا فیدہ، عالم اس??ام کوں رل تے غزہ اتے ??لس??ین دی ??ور??حال تے فیصلہ کن اقدامات کرݨے ہوسن۔ امیر جماعت اس??امی پاکستان حافظ نعیم الرحمن آکھیا جو اسرائیل ہک سال اچ غزہ تے 85 ہزار ٹن بارود سٹیے جیندے نال 80 توں 90 فیصد عمارتاں مکمل تباہ تھی چکین، 10 ہزار مرد، خواتین اتے ٻالا ملبے ہیٹھ دٻیے ہوئن، 42 ہزار توں ودھ لوک جیندے اچ 30 ہزار ٻآل وی ہین شہید تھئین، 173 صحافی، 900 ڈاکٹرز اتے پیرا میڈیکل سٹاف دے اراکین شہید تھئین، ایکوں نسل کشی نا آکھوں تاں کیا آکھوں؟ عالمی عدالت انصاف اچ وی ثابت تھی چکیے جو اسرائیل ??لس??ینی عوام دی نسل کشی کریندا پئے، مسیتاں اتے چرچاں سودھا سکول، ہسپتال اتے پناہ گزین کیمپاں کوں وی نشانہ ٻݨایا ڳئے ڄیڑھا انسانیت دے خلاف بدت??ین عمل اے ایکوں قتل عام توں علاوہ ٻیا کڄھ نئیں آکھیا ونڄ سڳدا، ایں اجلاس تون ہک و موقف ونڄݨا چاہیدے جو اسرائیل دی بدت??ین جارحیت کوں روکݨا ہوسی، جنیوا کنونشن اچ شریک 150 ممالک دی ذمہ داری اے جو او اسرائیلی جارحیت رکواوݨ اچ کردار ادا کرے۔ مسلم لیگ (ق) دے رہنما و وفاقی وزیر مذہبی امور چوہدری سالک حسین آکھیا جو وزیراعظم اقوام متحدہ دی جنرل اس??بلی اچ پاکستان دا تکڑا موقف رکھیے، ساکوں ??لس??ینیاں تے مظالم رکواوݨ خآص کر ٻالاں دی شہادت دے خلاف اقدامات کرݨے ہوسن تاں جو معصوم ??لس??ینیاں دی جان بچائی ونڄ سڳے۔ استحکام پاکستان پارٹی دے سربراہ اتے وفاقی وزیر مواصلات عبدالعلیم خان زور ݙتے جو ??لس??ینیاں دی مدد کیتے فعال سفارتکاری دی لوڑھ اے، امت مسلمہ کوں کٹھا کیتا ونڄے، مغرب سودھا اقوام عالم ایں معاملے تے اپݨی بے حسی ختم کرن اتے مسئلہ ??لس??ین دے حل کیتے کوششاں تیز کیتاں ونڄن۔ ایم کیو ایم دے رہنما و وفاقی وزیر تعلیم خالد مقبول صدیقی آکھیا جو سفارتی سطح تے اپݨا موقف ݙیوݨ کیتے پاکستان کوں اپݨے وفد اس??امی ممالک دے نال نال روس اتے چین وی ٻھیڄݨے چاہیدن، ساکوں اپݨے سکولاں اتے یونیورسٹیاں دے در ??لس??ینی طلباء کیتے کھولݨے ہوسن، ہݨ عملی اقدامات دا ویلھا اے۔ بلوچستان عوامی پارٹی دے رہنما خالد مگسی ??لس??ینی عوام نال یکجہتی اتے اسرائیلی مظالم دی مذمت کریندے آکھیے جو اسرائیل اتنے مظالم دے باوجود مظلوم ??لس??ینیاں دے حوصلے نئیں ھیݨے کر سڳیا۔ اے این پی دے رہنما ایمل ولی خان آکھیا جو ??لس??ینیاں تے مظالم بند تھیوݨے چاہیدن، حقیقت منیندے ہوئے ساکوں ??لس??ینی اتے کشمیری ٻھراواں کیتے اڳو آوݨا ہوسی۔ نیشنل پارٹی دے رہنما جان محمد بلیدی آکھیا جو اسرائیل اخلاقی، سیاسی و انسانی اقدار توں ٻاھرو نکل چکیے، ہݨ اے جنگ روکݨ کیتے سفارتی ذرائع استعمال کرݨے ہوسن جو اقوام متحدہ ڄڳ اچ امن و انصاف اچ ناکام تھئے۔ سربراہ ایم ڈبلیو ایم علامہ ناصر عباس آکھیا جو اسرائیل ??لس??ینی سرزمین تے غاصبانہ قبضہ کیتا ہوئے، ??لس??ینی حق تے ہین اتے ??لس??ینیاں دا ہتھ ونفاوݨ ساݙا فرض اے۔
عالمی برادری اسرائیلی جارحیت رکواوݨ دا کردار ادا کرے، مسئلہ فلسطین حل کیتے بغیر مشرق وسطیٰ اچ امن ممکن نئیں، شرکا آل پارٹیز کانفرنس
مضمون کا ماخذ : فا فا فا ۔
متعلقہ مضامین
