اسلام آباد۔10 جولائی (اے پی پی)تعمیرات و ترقی متعلق قو??ی رابطہ کمیٹی دے اجلاس دے بعد وزیراعظم عمران خان آکھیے جو پوری دنیا اچ کورونا وائرس توں معاشی بحران اے جیں نال نبڑنڑ کیتے متعلقہ ملک مختلف حکمت عملی بنڑیندے پن اساں فیصلہ کیتے جو شعبہ تعمیرات دے ذریعے اپنڑیاں معاشی سرگرمیاں ??وں فعال کروں ۔انہاں آکھیے جو معیشت دا مسئلہ صرف پاکستان کوں کائنی بلکہ پوری دنیا دا مسئلہ اے شعبہ تعمیرات دے فعال تھیونڑ نال لوکاں ??وں روزگار مل ویسی تے لوکاں ??وں غربت اچوں کڈھیا ویسی ۔ وزیراعظم آکھیے جو قو??ی رابطہ کمیٹی دی نگرانی میں خود کریساں تے ہر ہفتے ایندا اجلاس تھیسی۔وزیراعظم آکھیے جو مذکورہ کمیٹی نواں پاکستان ہاﺅسنگ سکیم دے نال مجموعی طور تے شعبہ تعمیرات دے پیش آندے مسئلیں دا جائزہ گھن تے انہاں مسئلیں کوں حل کریسی۔انہاں آکھیے جو ایندے توں پہلے پاکستان اچ اینجھا کوئی کم کائنی تھیا ۔ انہاں آکھیے جو ایں شعبیے کی??ے تعمیرات نال جڑیاں صنعتاں سمجھ گھنن جو حکومت ولوں ڈتے گئی مراعات توں فائدہ چاونڑ کیتے اے ایلھا اہم اے ،وزیراعظم عمران خان ڈسائے جو حکومت نواں ہاﺅنگ سکیم کیتے 30ارب دی سبسڈی ڈتی اے ، ہاوسنگ اسکیم دے تحت پہلے ہک لکھ گھراں ??وں ترائے ترائے لکھ روپے دی سبسڈی ڈتی ویسی جیرھے لوک5 مرلے دے گھر دی تعمیرات کیتے بینک توں قرضہ گھنسن ، انہاں ??وں 5فیصد جڈاں جو 10مرلے دے گھر کیتے قرضہ گھننڑ آلیں کوں ست فیصد سود ڈیونڑاں پوسی ۔وزیراعظم آکھیے جو اسٹیٹ بینک ساریاں نجی بینکاں نال گال کیتی اے جو شعبہ تعمیرات کوں سہارا ڈیونڑ کیتے مجموعی پورٹ فولیو دا صرف 5فیصد تعمیراتی صنعت کیتے مختص کرن ۔ایں اعتبار نال اے 330 ارب روپے تعمیراتی صنعت کیتے رکھیا ویسی انہاں آکھیے جو لوکاں ??وں این او سی کیتے بہوں ساری اوکھ دا سامنڑاں تھیندے بہوں گھٹ این او سی گھنڑیاں پوسن تے نال ہی ون ونڈو آپریشن شروع کرڈتے ۔وزیر اعظم آکھیے جو تعمیراتی صنعت نال جڑیے لوکاں ??یتے ویب سائٹ متعارف کرائی اے جتھاں لوک گھر بہہ تے ساریاں سہولتاں دستیاب ہوسن ۔ دنیا وچن ساریں توں ودھ بینک گھراں ??یتے قرضے ڈیندن ۔ انہاں آکھیے جو نواں پاکستان ہاﺅسنگ پر??گرام دا مقصد اے جو غریب طبقہ گھر بنڑا سگے ۔
ہاﺅسنگ سکیم دے تحت حکومت 30ارب روپے دی سبسڈی ڈتی اے ،گھر بنڑاونڑ کیتے ہک گھر کوں ترائے لکھ روپے دی سبسڈی ملسی، وزیر اعظم عمران خان
مضمون کا ماخذ : پاور بال کے نتائج
متعلقہ مضامین
