اسلام آباد ۔ 9 دسمبر (اے پی پی) امریکی سینیٹ دی مسلح افواج کمیٹی دے چیئرمین سینیٹرجان میکین آکھے جو امریکا دہشت گردی دے خلاف پاکستان دیاں کوششاں اچ تعاون جاری رکھیسی ۔ اے گالھ انہاں وزیر اعظم دے معاون خصوصی برائے خارجہ امور طارق فا??می نال گالھ مہاڑ کریندے ہوئیں آکھی۔ ??فتر خارجہ دے ترجمان دے مطابق طارق فا??می گزریل ڈینھ واشنگٹن اچ سینیٹر جان میکین نال ملاقات کیتی اتے ڈوطرفہ تعلقات تے علاقائی سلامتی دے امور اُتے گالھ مہاڑ کیتی۔ ملاقات دے دوران کنٹرول لائن اُتے کشیدہ صورتحال اتے پاک افغان تعلقات اُتے وی غور کیتا گیا۔ معاو ن خصوصی جان میکی?? کوں پاک فوج دی شمالی وزیرستان اچ دہشت گرداں دے خلاف کامیاب فوجی آپریشن بارے وی ڈسایا۔ سینیٹرجان میکین پاکستان دی دہشت گردی کوں مکاونڑ کیتے کوششاں دی تعریف کیتی ۔ ا??ہاں آکھیا جو امریکا دہشت گردی دے خلاف پاکستان دیاں کوششاں اچ تعاون جاری رکھیسی ۔ ترجمان دے مطابق ملاقات اچ پاک افغان تعلقات اتے ایل او سی تے ورکنگ باونڈری اُتے ودھدی ہوئی کشیدگی سمیت علاقائی صورتحال بارے وی گالھ مہاڑ کیتی گئی ۔ سینیٹر جان میکین فوجی کمانڈ اچ کامیاب رد وبدل اُتے پاکستا?? کوں مبارخ ڈتی اتے ایں عزم دا اعادہ کیتا جو امریکا خطے اچ پائیدار امن تے استحکام سانگے پاکستان دے نال تعاون جاری رکھیسی ۔ معاون خصوصی جان میکی?? کوں آندے سال پاکستان دے دورے وی دعوت وی ڈتی ۔ ایں دوران طارق فا??می واشنگٹن اچ امریکی سینیٹ دی مسلح افواج کمیٹی دے رینکنگ رکن ایلیٹ اینجل نال وی ملاقات کیتی۔
امریکی سینیٹر جان میکین دی وزیر اعظم دے معاون خصوصی برائے خارجہ امور طارق فاطمی نال ملاقات اچ گالھ مہاڑ
مضمون کا ماخذ : لاٹری کے نتائج
متعلقہ مضامین
