اسلام آباد 03 جنوري (اے پي پي) نېشنل كمانډ اينډ آپرېشن سېنټر اين سي او سي كښې د ګل په ورځ شوې غونډه كښې د وبائي رنځ د چارټ په شمېرو ، قومي ويكسين تګلارې او هېواد كښې د دې رنځ په خپريدو د خيالاتو څرګندونه وشوه۔ د اېن سي او سي غونډه د وفاقي وزير اسد عمر او نېشنل كوآرډينيټر ميجر جنرل محمد ظفر اقبال په مشرۍ كښې وشوه چې پكښې وفاقي وزير عمر ايوب خان او د وزيراعظم د قامي روغتيا خاص مرستيال ډاكټر فېصل سلطان ګډون وكړو۔ فورم د وېكسي نيشن لازمي نظام په اړه د سختو اقداماتو په كولو اتفاق وكړو۔ اېن سي او سي د دې رنځ د خپريدو جاج هم واخست او دا خبره رامخې ته شوه چې د كووِډ ۔19 پنځمې چپې په مهال اومېكرون ويريئنټ تندۍ سره خپريږي۔د تېرو درې ورځو په مهال په كراچۍ كښې د مثبت كېسونو تناسب 2 نه تر 6 فيصده رسېدلې دې۔ اېن سي او سي په وګړو زور راوړو چې د كووډ۔19 پنځمې چپې خپريدو څخه بچ كېدو لپاره وېكسين ولګوي ، ماسك وكاروي او سماجي لرې والې وساتي۔ دا هم ووئيل شول چې وېكسين لګونګې كسان د اومېكرون څخه كم ځپلې كېږي
