مظفرآباد ۔ 4 اپریل (اے پی پی) وزیراعظم شاہد خاقان عباسی آکھیے جو مسئلہ کشمیر دنیا دے ضمیر سانگے ہک چیلنج اے ،کشمیریاں دا خون تے انہاں دیاں قربانیاں ضائع کائناں ویسن ،کشمیر بارے پاکستان دا مقدمہ اقوام متحدہ دی سلامتی کونسل دیاں قرارداداں دی بنیاد تے ہے ،سلامتی کونسل دیاں قرارداداں دے م??ابق کشمیریاں کوں استصواب رائے سانگے اپنڑے م??تقبل دے فیصلے کر??ڑ دا حق ڈتا ونجے ،مقبوضہ کشمیر اچ معمولات زندگی پورے طور تے مفلوج ،علاقے اچ کرفیو نافذ ‘انٹر نیٹ تے مواصلات دے بئے ذرائع بند کر ڈتے گن ،ب??ارتی حکومت دے اے اقدامات کشمیریاں دی آواز کوں دباو??ڑ دے ناکام ہتھکنڈے ہن ،ب??ارت کوں بین الاقوامی قانون دے اگوں جھکا تھیونڑاں پوسی ،فتح کشمیری عوام دی تھیسی ۔اے گال انہاں بدھ کوں اتھاں کشمیر دے علاقیں شوپیاں تے آننت ناگ اچ بھارتی قابض فوج دے ہتھوں شہید تھیونڑ آلے 17کشمیری نینگراں عادل احمد ٹھوکر، ناظم ڈار، رئیس احمد ، زبیر طوری، فیاض ملک، اشفاق ٹھوکر، محمد عباس بٹ ، وسیم احمد، زبیر احمدبٹ، نظام الدین بٹ، محمد احمد ٹھوکر تے بئے شہیداں دے ناں گھدے تے آکھیا بھارتی فوج ظلم دے بربریت دا مظاہرہ کریندے ہوئیں وحشیانہ قتل عا?? دا مظاہرہ کیتا اے ۔انہاں شہادتاں دے بعد تھیونڑ آلے م??اہریں اچ 200توں ودھ نہتے کشمیر ی زخمی تھی گن ۔بد ترین ریاستی دہشت گردی دے تحت نہ صرف پر امن احتجاج کرنڑ آلے کشمیریاں کوں تشدددا نشانہ بنڑایا ویندا پے بلکہ جنازیں اچ شریک لوکاں تے وی بد ترین تشدد کیتا ویندا پے ۔اے بھارتی حکومت تے فوج دیاں کشمیریاں دے قتل عا?? تے زبان بندی دی ناکام کوشش اے ۔اجوکے واقعات نال ہک واری ولا مقبوضہ کشمیر اچ بھارتی فوج دے ہتھوں بد ترین انسانی حقوق دیاں پامالیاں دا پردہ چاک تھیا اے ۔وزیراعظم آکھیا اجوکا ریاستی تشدد گزریل کئی دہائیاں توں مقبوضہ کشمیر اچ بھارتی قابض فوج دے ہتھوں انسانی حقوق دیاں پامالیاں دا پردہ نشابر تھی گے ۔ایں جلاس اچ مقبوضہ کشمیر اچ بھارتی ظلم و ستم دے حوالے نال دنیا کوں ڈساونڑ سانگے وفد بھیج??ڑ دا فیصلہ کیتا گیا ۔ مسئلہ کشمیر دنیا دے ضمیر سانگے ہک چیلنج اے ۔ کشمیریاں دا خون تے انہاں دیاں قربانیاں کڈاہیں ضائع کائناں ویسن ۔
وزیراعظم شاہد خاقان عباسی دا آزاد کشمیر قانون سازاسمبلی اتے کشمیر کونسل دے سانجھے اجلاس نال خطاب
مضمون کا ماخذ : خداؤں کی عمر
متعلقہ مضامین
